Programo 2021

La organizantoj de HungaroMania akceptas sian respondecon: HungaroMania 2020 ne okazos.
Bedaŭrinde.

Pliaj informoj en nia hejmpaĝo. Ni komencas la ellaboradon de la nova programo nun.

=====

(Ilustre:) planita programo 2020

Alvenu ekde la 10.00-a horo.

La tutan tagon de la 10.30-a ĝis la 20.30-a:

Ĉefa programo:

Pliaj detaloj: prelegoj kaj laborgrupoj

Hunok vagyunk vagy avarok, ez a kérdés, válasszatok!
Ĉu hunoj aŭ avaroj ni estas, jen staras la demando. Respondu!

Szilvia Hadházi studis Ĝermanajn lingvojn (germanan kaj nederlandan) ĉe la Universitato de Debrecen. En 2008 ŝi akiris la majstran diplomon pri Interpretado ĉe la Lessius Altlernejo en Antverpeno (nun Thomas More Altlernejo) kie ŝi studis interalie la hungaran kiel fremdlingvo. Poste ŝi laboris kiel interpretistino. Ŝi ankaŭ instruis ĉe Liguapolis, la lingva instituto de la antverpena Universitato UA. En 2019 ŝi akiris sian majstrecon pri juro kun disertacio pri la postulrajto de medioprotektadaj asocioj. Nuntempe ŝi laboras ĉe la urbo Antverpeno - distrikto Borgerhout.

'Ĉu hunoj aŭ avaroj ni estas, jen staras la demando. Respondu!!' (Index, 19-an de marto 2018) provas doni superrigardon pri la novaj evoluoj en la esplorado pri la origino de la hungaroj. La debato pri tiu temo delonge okupas la animojn en Hungario. Longan tempon estis ĝenerale akceptite ke la nunaj hungaroj devenas de la 'honfoglalók', la konkerintoj de la patrio. Novaj genetikaj esploroj kontraŭdiras tion.
>> reen

Introductie tot het Hongaars voor Nederlandstaligen
Enkonduko en la hungaran lingvon por nederlandlingvanoj

Hedwig Gerits (Lokeren, 1978) studis en 1996-1997 kadre de interŝanĝa projekto en Kaposvár, Hungario. En 2001 ŝi licenciiĝis pri Orienteŭropaj lingvoj kaj kulturoj, opcio pri Orienteŭropscienco kun disertacio pri la hungara malplimulto en Slovakio. Poste ŝi studis la hungaran ĉe la universitatoj de Varsovio kaj Budapeŝto (Károli Gáspár Református Egyetem). En Budapeŝto ŝi ricevis ateston pri la hungara kiel fremdlingvo. Ĉiujare ŝi perfektiĝis pri la hungara ĉe la someraj universitatoj de Budapesto, Debrecen kaj Pécs.

Ekde septembro 2011 ŝi estas instruistino ĉe la Centro pri Vivantaj Lingvoj en Loveno kaj ekde septembro 2014 ankaŭ en la CVO Pro en Alsto.

Ŝi kunorganizas HungaroMania'n, sed tiun tagon ankaŭ prezentos prelegon en kiu la partoprenantoj povos konatiĝi kun tiu ĉi fascina lingvo.
>> reen

Hongarije en het Nederlands
Hungario kaj la nederlanda lingvo

Gert Loosen studis Ĝermanajn Lingvojn (nederlanda/germana) en Loveno, kaj la mezepokon en Loveno, Antverpeno, Bruselo kaj Heidelberg. Li instruis la nederlandan, nederlandan kiel fremdlingvo, la germanan, anglan kaj Filozofion en 12 lernejoj kaj tri universitatoj. Plue li laboris kiel laboristo (ŝtala kaj nutra industrioj), kelnero, oficisto, korektisto, tradukisto, kunveturanto, redaktoro. Nuntempe li estas ligita al la Universitato de Debrecen (Hungario), kie li preparas Ph.d'n pri lingvistiko kaj li estras la Germanan Kulturforumon por Debrecen.

Ĉiam pli da junuloj studas la nederlandan lingvon, pli en Centra Eŭropo ol en Nederlando kaj Flandrio. Kio instigas ilin lerni nian mezgrandajn Eŭropajn lingvon kaj kulturon? Pri kio okupiĝas la tri universitataj fakgrupoj pri la nederlanda en Hungario? Kiuj (akademiaj kaj aliaj) ligoj ekzistas inter Hungario kaj la nederlanda lingva teritorio? En ĉi tiu prelego ni donos respondojn al ĉi tiuj scivolemulaj demandoj.
>> reen

De schoonheid van de Hongaarse natuur
La beleco de la hungara naturo

Patrick De Spiegeleir Patrick De Spiegeleir naskiĝis la 14-an de junio 1957 en Antverpeno. Post sia baz- kaj mezlernejo (Latin-Greka) li studis la anglan/germanan en la tradukistlernejo (Katholieke Vlaamse Hogeschool) en Antverpeno. Post militservo li kvazaŭ tuj eklaboris kiel tradukisto ĉe la NMBS (la lastajn tri jarojn li laboris nur por Infrabel) kie la ankaŭ konkludis sian karieron en 2017.
En sia libertempo li precipe aktivas en la naturo: promenakompanado, administraj laboroj, partoprenado en kursoj.

En HungaroMania li volas prezenti precipe la naturon kiun li ekkonis dum la 12 jarojn da migrado al la regiono Tolna/Baranya. Li uzos sian ampleksan fotomaterialon pri same birdoj, insektoj, plantoj kaj pejzaĝoj.
Pli ol preteririgi kiom eble plej multajn speciojn, Patrick montros al la publiko la belecon de la hungara naturo, kiu ĉe ni en Flandrio bedaŭrinde grandparte perdiĝis.
>> reen

A Pécsi Püspöki Hittudományi Főiskola
La Episkopa Teologia Altlernejo de Pécs.

Lukács Ottilia instruas ĉe la katedro pri la Sankta Skribo de la Episkopa Teologia Altlernejo de Pécs. Ŝi studis teologion kaj Socialan laboron en Kolozsvár (Kluĵo) kaj plustudis ĉe la teologia fakultato de la KU Leuven. En 2017 ŝi defendis sian doktoriĝan disertacion pri la sabato, unu el la plej gravaj temoj de la hebrea biblio.

Lukács Ottilia, daŭriganta la prelegon de Csonta István, prezentos la signifon de la Episkopa Teologia Altlernejo. Ĉi tiu instituto en la pasintaj du jardekoj grave rolis ĉe la edukado de profanaj teologoj, helppastoroj kaj kunlaborantoj de diversaj ekleziaj instancoj.
>> reen

Egy tipikus magyar étel elkészítése / Een typisch Hongaars gerecht klaarmaken: zserbó és/en körözött
Preparado de tipe hungara manĝaĵo: Zserbó-bakaĵeto kaj körözött-kremo

Csilla Grót sekvis la bakalaŭran edukadon pri Hungaraj lingvo kaj literaturo ĉe la Károli Gáspár Reformita Universitato en Budapeŝto. Dume ŝi konatiĝis ankaŭ kun la nederlandaj lingvo kaj kulturo. Estis amo je unua vido, do ŝi elektis Magistraĵon pri la Nederlandologio. En tiu trijara studado ŝi, kiel Erasmusstudantino, unu jaron studis en Loveno. Csilla nuntempe laboras en la Domo de la Eŭropa Historio kaj en Stacio Europa en Bruselo. Ŝi ŝategas legadon kaj pasie kolektas librojn. Nun ŝi gvidos vin tra la mondo de la hungara kuirarto.

Zserbó estas tipa bakaĵeto de la hungara kuirejo kiu ne manku de la plimultaj hungaraj festotabloj. Ĉe la familio Grót ĝi estas nemalhavebla ero en la kristnaska vespermanĝo, sed bongusta zserbó ĉiam feliĉigas homojn :) ni preparos variaĵon kiu ne postulas bakadon: zserbó-buletojn. La laborgrupo precipe celas infanojn, sed ĉiu bonvenas.

La ĉefrolulo de la porplenkreskula laborgrupo estas körözött. Ĉi tiu túró (kazea) kremo perfekte taŭgas por ŝmiri sur buterpano aŭ por mergi. "Kiom da domoj, tiom da kutimoj." (hungara proverbo) Iuj preparas körözött per ŝafa kazeo, aliaj miksas la ŝafan kun bovinlakta kazeo. En la laborgrupo ni uzos nur kazeon el bovina lakto. Ni tamen ne nur kreos la bazan körözött, ni ankaŭ lernos kiel varii tiun ĉi bongustan kremon.
>> reen

Kelemen Erzsébet szépirodalmi művei
La literatura verkaro de Kelemen Erzsébet

Kelemen Erzsébet (Edelény, 30-a de junio 1964) estas hungara verkistino, poetino, dramverkistino, literaturhistoriistino, kvalifikita esplorinstruistino. Ŝi doktoriĝis (PhD) en la 4-a de marto 2011, kun fakverko pri la la vida poezio de Tibor Papp. En 2019 ŝi ricevis la premion József Attila, unu el la plej altaj premioj por la hungara literaturo. Ŝi nuntempe instruas ĉe la Szent József Általános Iskola, Gimnázium, Szakgimnázium és Kollégium. Ŝia esplora areo estas avangarda kaj moderna vida poezio. Ekde 1987 ŝi eldonadas en literaturaj revuoj. Ekde 1995 entute dek ok libroj de ŝi estas eldonitaj. Poemoj ŝiaj legeblas ankaŭ en la litova lingvo.

Kelemen Erzsébet legos al ni el sia propra verkaro, ŝi parolos pri vida poezio (bilda observado helpas la partoprenantojn kompreni la hungaran tekston) kaj ŝi provas instigi la partoprenantojn krei vidajn versojn kaj verki linearajn versojn.
>> reen

De Hongaarse klassieke muziek: Bartók Béla
La hungara klasika muziko: Bartók Béla

Herlind Gerits (Lokeren, 1980) en 2003 finstudis ĉe la KULeuven kiel licenciulino pri Muzikologio kun kompletiga instruadedukado. En 2006 ŝi licenciiĝis pri Filozofio, kun interŝanĝo ĉe la Universidade de Lisboa. En 2005 ŝi majstriĝis pri Gvidadekonomio. Herlind instruis Muzikhistorion ĉe la Hageland'a Akademio en Diest (2005-2010), estis vicdirektorino ĉe la Akademio August De Boeck en Asse (2010-2012) kaj ekde 2012 direktorino de la Arta Akademio Ter Beuken en Lokeren, kie organiziĝas lecionoj pri muziko, parolo kaj plastikaj artoj.

Herlind revenas al 1918, la erao de la Traktato de Trianon el 1920, pri kiu Wim Vermeulen prelegas. Ŝi prilumas la ekeston de "la fortikaĵo de duko Blubarbo" kaj "la Magia Mandareno", du majstroverkoj de Bela Bartok.
>> reen

De wortelstruktuur van het Hongaars
A magyar nyelv gyökszerkezete

La radikstrukturo de la hungara lingvo

Prof. dr. László Károly Marácz (1960,Utrecht) naskiĝis kaj elkreskis en hungara familio en Nederlando. Li studis ĝeneralan lingvistikon kaj la hungarajn lingvon kaj lingvistikon en la Universitato de Groningen. Tie li en 1989 defendis sian doktoriĝon, kun disertacio pri la genera analizado de malsimetriaj kaj simetriaj konfiguroj en la hungara sintakso.

Nuntempe li estas Altranga Docento ĉe la Departemento pri Eŭropaj Studoj kaj kunordiganto pri Eŭropa Politiko (MA). En 2015 li ricevis la titolon de honora profesoro de la Gumilyov Eŭrazia Nacia Universitato.

Prof. Marácz priparolos la radikstrukturon de la hungara lingvo. Surbaze de siajn konkludoj li rekonsideras la klasikan ordigon de lingvoj en arbostrukturo kaj speciale de la hungara kiel finugra lingvo.

Lia prelego okazos unu fojon en la nederlanda kaj unufoje en la hungara.
>> reen

La familio Soros kaj Esperanto

István Ertl (1965, Budapest) estas hungara/franca instruisto, tradukisto. De 1992 ĝis 2001 li laboris kiel redaktoro de la revuo Esperanto de Universala Esperanto-Asocio (Roterdamo), en 2002-2003 kiel informrespondeculo de Eŭropa Reto Kontraŭ Rasismo (Bruselo), ekde 2003 kiel tradukisto ĉe la Eŭropa Revizora Kortumo (Luksemburgo).

Pri Esperanto li okupiĝas ekde 1977, pri ties literaturo ekde 1985. Esperantan literaturon li instruis ĉe la Universitato ELTE (Budapest) en 1990-1991 kaj instruas ekde 1999 ĉe la Universitato Adam Mickiewicz (Poznań). Li estas redaktoro de la jartriona revuo Beletra Almanako.

Dek jaroj en Roterdamo, kie naskiĝis du liaj infanoj, kreis ĉe li fortajn ligojn al la nederlandaj lingvo kaj kulturo.

La nomo 'Soros' eble neniun en Hungario lasas indiferenta, ofte ĝi provokas emociojn kaj eĉ koleron. Multaj scias - aŭ kredas scii - pri la plej fama nomportanto, Soros György. Malpli sciata estas ke la patro de György, Soros Tivadar (Teodoro Schwartz) estis fama esperantoparolanto, mecenato de la Esperanto-literaturo. En 2018 aperis en Budapeŝto 'Transvivi', lia duobla memorlibro pri lia militkaptiteco en Siberio kaj la pogromo en Budapeŝto. István Ertl, la tradukanto de la verko prezentos la libron, la familion, la epokon kaj la Esperanto-literaturon.
>> reen

Pécs, a kultura városa
Pécs, la kultura urbo

Csonta István, eksa estro de la Collegium Hungaricum (2012-2019), nuntempe instruas ĉe la katedro pri eklezia historio de la Episkopa Teologia Altlernejo de Pécs.

En sia prelego li prezentos la urbon Pécs, kun speciala atento pri la okazaĵoj en la dudeka jarcento, la civilaj kaj religiaj instancoj kaj la vidindaĵoj kiuj konsistigis kaj plu konsistigas organikan parton de la evoluado de la regiono.
>> reen

Belgiumi állampolgárok és turizmus Magyarországon
Belgaj civitanoj kaj turismo en Hungario

Dr. Szakács Imre naskiĝis en Budapeŝto en 1957. Li estas edziĝinta kaj patro de kvin filinoj. Li doktoriĝis ĉe la fakultato pri Ŝtataj kaj Juraj Sciencoj de la Universitato ELTE (Budapest).

De 1975 ĝis 1983 li estis profesia manpilkoludisto. En 1999 li iĝis ŝtatsekretario ĉe la Ministerio pri Junularo kaj Ŝporto, en 2002 prezidanto de la Provincestraro de Győr-Moson-Sopron, en 1998 Popolreprezentanto.Ekde 2014 li estas diplomato ĉe la Hungara Ambasado.

Li parolos pri la eblecoj kaj kondiĉoj de daŭra restado de belgaj civitanoj en Hungario, per tri temoj: la reguloj pri daŭra restado de civitanoj de la Eŭropa Unio en alia EU-lando, pli specife la reguloj por daŭra loĝado en Hungaro kaj la kondiĉoj por EU-civitanoj por akiri domon en Hungario.
Poste li prezentos la ĉefajn turismaj vizitindaĵojn de Hungario (kun anglaj subtitoloj).
>> reen

A "Kis magyarok" Belgiumban (1923-1927)
De "Hongaartjes in België (1923-1927)

La "Hungarinfanetoj" en Belgio (1923-1927)

Vera Hajtó estas socihistoriisto, finstudinta en 2002 ĉe la Katolika Universitato Pázmány Péter kun diplomoj pri la hungara lingvo kaj pri Historio. Ŝi promociiĝis per fakverko pri la Belgaj-Hungaraj infanagadoj de la 1920-aj jaroj ĉe la fakultato pri Historio de la KULeuven. En 2016 aperis ŝia monografio titulita "Migration, Childhood and Memories of the Interwar Belgian-Hungarian Child Relief Project" ĉe la Universitaire Pers en Loveno. En la sama jaro ŝi organizis kune kun la KADOC Dokumentada kaj Esplora Centro pri Kulturoj kaj Socioj ekspozicion pri la Infanhelpagado. Ŝi nuntempe vivas kaj laboras en Eindhoven, Nederlando kiel sendependa esploristino kaj pristudas infanmigradon, infanec-studojn, identecteoriojn kaj memor-studojn.

Inter 1923 kaj 1927 ĉirkaŭ 20.000 hungaraj infanoj venis al Belgio kadre de humana projekto. Sekve de la malfacila politika, socia kaj ekonomia situacio de Hungario, la vivcirkonstancoj de miloj da hungaraj familioj kaj de iliaj infanoj estis zorgiga. Tio postulis urĝan asistadon de diversaj internaciaj humanaj agantoj post la Unua Mondmilito. Belgio estis unu el la landoj, krom Nederlando, Svisio, Anglio kaj Danlando, kiuj proponis kelkmonatan ferion al hungaraj infanoj, tiel ke tiuj infanoj povis ree plifortiĝi. La belga projekto estis plene organizita de la belga Katolika Eklezio kaj ĝiaj sociaj retoj kunlabore kun hungaraj infanbonfartaj organizaĵoj. Ili transportis la infanojn al Belgio per trajno kaj loĝigis ilin ĉe lokaj, precipe flandraj familioj. Ene de kelkaj jaroj la projekto iĝis popularega en la katolika Flandrio kaj plurmiloj da flandraj familioj ofertis sian hejmon al hungaraj infanoj.
>> reen

Het verdrag van Trianon
La Trianona traktato

Wim Vermeulen (Boom, 1982) laboras kiel imposta kaj kompania financdirektanto ĉe la financa direkcio de SD Worx. Li finstudis ĉe la KULeuven kiel licenciulo pri Moderna Historio (2005) kun tezo pri Ansfrieds, nobela familio el la 10a-jarcenta Lotaringo. Poste li elektias alian vojon kaj ĉe la KULeuven akiris magistrecon pri Kontoscienco kaj revizorado (2006) kaj bakalaŭrecon pri Aplikata Ekonomiko (2007). Samtempe li akiris postlernejecon pri Fiskosciencoj ĉe la Fiska Altlernejo en Bruselo (2007) kaj fine magistrecon pri Kompania juro ĉe la KUBrussel (2010). Li inter 2007 kaj 2012 laboris kiel ĉefimpostkonsulisto ĉe KPMG kaj Grant Thornton. Ekde 2012 li laboras ĉe SD Worx kaj en tiu jaro akiris ankaŭ la titolon de agnoskita Impostkonsulisto.

Malgraŭ sia kariermodifo li restis pasia historiisto kun granda intereso pri la historio de Centra Eŭropo.

La Trianona traktato el 1920 ĉiam agitis la hungaran animon. Eĉ post 100 jaroj ĝi postlasas siajn spurojn en la lando kaj ĉe ties loĝantaro. Ni rigardos la fonojn ĉe la sojlo de la Unua Mondmilito kaj kion enhavas la traktato. Sed ni ankaŭ prilumos la sekvojn ĝis la hodiaŭo.
>> reen

Inleiding tot Esperanto
Enkonduko al Esperanto

Bart Demeyere estas civila inĝeniero pri komputilsciencoj. Li verkas retprogramojn kiuj iel rilatas al Esperanto kaj laboras pri programo por efike lerni (Esperanton, sed ankaŭ la francan, anglan, germanan kaj uzebla por ĉiu kono postulanta memoron). Li kreis retprogramon kiu serĉas tradukojn kaj klarigojn en pli ol 20 retvortaroj kaj programas la retbutikon de la Flandra Esperanto-Ligo.

Lian filon, nun 20-jara, li edukis en Esperanto kaj li do ĉiutage parolas Esperanton hejme. En Hungario li jam plurfoje estis por viziti geamikojn, amikinon, familikunvenoj aŭ kongreso, sed ĉiam en Esperanto.

En HungaroMania Bart prezentos klarigojn pri ĉi tiu artlingvo kaj mallongan enkondukan lecioneton. Li eliras de la rakonto pri la Ŝalmisto de Hamelin.
>> reen

Meer dan aszú en bikavér - Leer Hongaarse wijnen kennen!

Pli ol aszú kaj bikavér - Konatiĝu kun hungaraj vinoj!

San Verhavert finstudies kiel magistro pri psikologio ĉe la KULeuven. Li doktoriĝis pri Instruscienco ĉe la Universitato Antverpena en 2018. Samjare li ekstudis vinistikon ĉe Syntra AB, dume partoprenis la konversacian hungaran kurson ĉe la CLT Leuven. Depost 2015 li edziĝis kun hungarino. Pere de ŝiaj gepatroj li ekkonis la varian mondon de la hungara vino.

La vinhistorio de Hungario jam reiras ĝis la romianoj. Hungario nuntempe havas 22 vinregionojn kaj uzas, krom internacioajn, ĉirkaŭ 10 enlandajn vinberrasojn por la vinproduktado. Pro la diverseco en fundo kaj mikroklimatoj en Hungario troviĝas diversaj, interesaj vinstiloj. Ekkonatiĝu kun la diversaj vinregionoj kaj gustumu belan vinelekton dum ĉi-prezentado.

Atentu, pro praktikaj kialoj nur 14 partoprenantoj povas gustumi. Pliaj partoprenantoj jes povas sekvi la sesion. Ĉi-sesio prezentas Hungarion kiel vinlando kaj do ne havas komercan flankon. Ne eblas aĉeti vinon.
La prelego okazos en la nederlanda (sed tio ne ĝenas la gustumadon en la hungara kaj en Esperanto...)
>> reen

Vladimir Ronin: 1000-jara hungara historio.

Vladimir Ronin (1958, Moskvu) estas doktoro pri historio kaj licenciulo pri Slava filologio. Li laboras kiel docento pri la rusa kaj la historio de Ruslando ĉe la KU Leuven en Antverpeno. Verkisto de i.a. (nederlandlingve) Antverpeno kaj ĝiaj 'Rusoj', 1814-1914 (1993); Rusoj kaj Belgoj: ĉu tro granda fendo? (1998); Historio de Hungario de Árpád ĝis Árpád Göncz (2003), kaj la duparta monografio 'Russkoe Kongo', 1870-1970 (2009) pri homoj el Rusio en Belga Kongo. Plue li publikigis dekojn da artikoloj pri la historio de Centra Eŭropo kaj pri la rilatoj inter rusoj kaj belgoj tra la jarcentoj.

En HungaroMania li respondos kelkajn demandojn: kiuj estas la ĉefaj trajtoj en la historio de Hungario, kio okulfrapas en ĝi kaj kiuj estas la historiaj ligoj inter la hungaroj kaj la belgoj?
>> reen

De Hongaarse eetcultuur, honderd procent Hongaars?
La hungara manĝokulturo, 100%-e hungara?

Kiel eksa kuiristo kaj kukbakisto Tom de Smet esploris la historion kaj evoluadon de la hungara manĝokulturo. Hungaroj tre fieras pri sia nacia kuirejo. Nu ekparolu kun hungaro kaj tuj tio temas pri manĝado, pri kion ili hieraŭ manĝis, kion ili hodiaŭ surtabligos aŭ kiom bone ilia avino ankoraŭ scipovas kuiri. Sed kiom specifa fakte estas la hungara manĝokulturo? Pere de multaj fotoj kaj rakontoj pri interalie la fono de familiaj kompanioj, la ekesto de gastronomiaj festivaloj kaj la reapero de metiaj produktantoj Tom de Smet kunprenos vin al kuirarta vojaĝo tra la historio en kiu la riĉa hungara kuirejo - sub la influo de la ĉirkaŭantaj landoj, kiel fandujo en Mez-Eŭropo - ekhavis propran stilon kaj guston.

Tom de Smet (Amsterdam, 1962) ekde 1986 ĉiujare iris al Hungario por tie lerni la lingvon kaj ĉirkaŭvojaĝi. Post sia kuirista kariero kaj poste laboro ĉe eduka eldonejo li en 2005 startis sian jurnalistan esploradon pri la hungaraj manĝo- kaj vinkulturo. Ekde 2007 li iĝis redaktoro de la retejo Hongarije Vandaag (Nuntempa Hungario), kie Tom aperigis multajn rakontojn kaj artikoloj pri manĝado kaj trinkado. Aldone li prezentas kulinarajn prelegojn kaj gustumadojn kaj estas kreativa ĉefo de la kuireja teamo de la Kelet Kávézó en Budapeŝto.
>> reen

Hungara biergustumado

Valer Doumont, ankaŭ mem bierfaristo, prezentos al ni sep hungarajn bierojn. Li evitas la "simplan" pilsenon. Vi vidos superrigardon pri kiel oni faras bieron kaj tiam povos gustumi nomojn kiel la jenaj: Meggyes sör, Szilvás sör, Zirci Apátsági Tripel, Recser URH Rising Rage Kollabors, Mad Scientist Liquid Cocaine, Balkezes Bagoly Baltic Porter, Balkezes LD50 Simcoe.
>> reen

Oficiala bonvenigo

Bonvenigo fare de la organizantoj (HU/NL/EO)

Nome de la organiza komitato la ĉeforganizantoj Hedwig Gerits (reprezentanto de la hungaraj instruistoj), Siegfried Mertens (hungaraj kursistoj), Marc Vanden Bempt (Esperanto 3000) kaj Csonta István (Collegium Hungaricum) kore bonvenigas ĉiujn en la festsalono (HU/NL/EO):

  • Bonvenigo fare de la organizantoj
  • Alparoladoj fare de niaj honoraj gastoj ambasadoro Dr. Tamás Iván Kovács kaj urbestro Mohamed Ridouani
  • Dankvorto al niaj gekunlaborantoj

HungaroMania estas festo kaj ni esperas ke ĉiu trovos sian vojon al tiu ĉi festo!
>> reen

Pliaj detaloj: Hungara muziko kaj dancado

Ego Sum: Hungarlingva muziko por internacilingva publiko

Ego Sum estas muzikgrupo el Kézdivásárhely en Transilvanio, la hungarlingva parto de Rumanio. La kvar membroj de la grupo speciale por HungaroMania venos al Belgio: Páll Áron kaj Kerekes Ákos (kantado kaj gitaro), Jakabos Lóránd (basgitaro), Köntzey Olivér (drumo).

En ilia muziko kunfandiĝas ska, regeo, bluso, rok' kaj eĉ popolmuziko. Iliaj kantoj ekestas surbaze de ideo, kiun la preskaŭ denaskaj geamikoj kune ellaboras. Ĉiu membro alportas proprajn elementojn, ĝis la fina kanto kontentigas ilin... kaj nin.

La muzikgrupo ekestis sur teraso de apartamento en Marosvásárhely en la somero de 2011. En januaro 2014 aperis Kabaré, ilia unua demo kun 12 propraj numeroj, el kiuj la kanto Tata akiris eminentan lokon en la konkurso pri la plej bela Transilvania Hungara Kanto. Tra la pasintaj jaroj ili muzikis en trinkejoj dise tra Transilvanio kaj en pluraj festivaloj same en- kiel eksterlandaj.
>> reen

Hungara dancvespero (Táncház), laborgrupo popoldancado

En la laborgrupo posttagmeza ni konatiĝos kun kelkspecaj hungaraj popoldancoj el Hungario kaj eksterlando. Ni lernos la bazajn paŝojn kaj alproprigos iliajn ĝustajn kombinojn.

En la dancvespero ni mallonge ripetos tiujn, poste ni liberigos nian kreivecon kadre de táncház laŭ vere hungara stilo, tiel ni ankaŭ povos danci niajn memkreitajn koregrafiojn. Evidente Viki kaj Martin tuttempe ĉeestos kaj helpos nin.

Viki (Viktória Hitter) de sia 7-a vivjaro lernas popoldancojn en Győr ĉe la dancgrupo Kisalföld. Nuntempe ŝi sekvas magistran studadon pri Nederlandistiko ĉe la Eötvös Lóránd Universitato en Budapeŝto.

Martin (Claus Martin Volker) ankaŭ 7-jara ekdancis en la laborgrupo Regös en Győr. En Kolding (Danlando) li finstudis kiel bakalaŭro pri merkatado kaj komerco. Dum siajn universitataj studoj li organizadis prezentojn de popoldancoj plikompletigitaj per propraj koregrafioj kaj dancvesperojn. Tie prezentiĝis popoldancoj el Szék kaj la partoprenantoj lernis dancojn el Gyimes, ambaŭ en Transilvanio. Jam du jardekojn li aktive partoprenas en la ĉiujaraj danckunvenoj de la viena Collegium Hungaricum, kie li kune kun sia patrino instruas popolmetiojn kaj popoldancadon al infanoj. En ilia lasta vizito al Belgio ili prezentis popoldancojn en la Internacia vespero de la Lemmens-fako de la LUCA Artlernejo.
>> reen

Hongaarse volksliedjes voor jong en oud
Magyar népdalok mindenkinek

Hungaraj popolkantoj por ĉiuj

Era CK (Erika Székely) finstudie kiel instruistino pri la anglaj lingvo kaj literaturo ĉe la Universitato de Szeged kaj sekvis kurson pri la hungara por alilingvanoj. Nuntempe ŝi jam kvin jarojn loĝas en Nederlando. Ŝi jam dum jaroj kantadas kaj elprovis jam plurajn muzikstilojn. Plej multe ŝi ŝatas la kantojn de la 90-aj jaroj kaj ŝi havas internacian repertuaron. Ŝi mem skribas proprajn kantojn el kiuj kelkaj troveblas en Spotify. Ŝi kredas pri la saniga forto de muziko kaj volonte transdonas tion al sia publiko. Por HungaroMania ŝi, akompanate de sia klavaro, gvidas laborgrupon kie ĉiuaĝuloj povos lerni kelkajn hungarajn popolkantojn. Eble vi ankaŭ povos iom muziki mem.
>> reen

Tradicia hungara muziko.

Viva fona muziko piana, en la koncertsalono dum la vespermanĝo.

Horváth Attila inter 1993 kaj 1999 studis pianon en la Kodály Zoltán Muzieklernejo de Debrecen. De tiam li restis ĉe la piano. Inter 2002 kaj 2005 li laboris en la restoracio kaj trinkejo de la Hotelo Nagyerdő Kft, kie multaj famaj hungaraj artistoj venadis. Iun tagon aperis talentega violonisto, unu el la plej bonaj de Orient-Hungario (Tordai Zoltán). Ili amikiĝis kaj fondis muzikgrupon. La postajn jarojn li restis ĉe tiu grupo.

En lia repertuaro troviĝas krom ĵazo hungaraj operetoj, hungaraj kanzonoj el la 40-aj kaj 50-aj jaroj de la pasinta jarcento, hungaraj kantoj sed ankaŭ mondkanzonoj kaj filmmuziko.
>> reen

Pliaj detaloj: tutttagaj programeroj, vespermanĝo

Regisztráció - Onthaal - Akcepto

Alveninte sekvu la vojmontrilojn al la Akceptejo.

Tie vi ricevos vian programlibreton.

Tie ankaŭ eblos aĉeti trinkkuponojn por nia trinkbudo.

Ĉu vi ne antaŭaliĝis aŭ ne jam pagis? Tio eblos ankoraŭ surloke ĉe alveno.
Konsilindas antaŭaliĝi per la kontaktformularo en nia hejmpaĝo (sub 'Kontaktu nin') kaj antaŭpagi vian kotizon. Nur tiam vi certas pri partopreno en HungaroMania kaj vi pagos malpli.

Surloke pagu prefere per bankkarto.
>> reen

Vespermanĝo: gulaŝo

En la 2a eldono de HungaroMania nia kuirteamo denove agrable surprizos vin. Venu ĝui bongustegan hungaran gulaŝon, preparitan laŭ aŭtentika recepto. La ingrediencoj jam nun revigas pri la hungara stepo kaj la varma hungara gastamo. Nia HungaroMania-restoracio estas granda kaj agrabla.

Vegetara variaĵo eblas se indikita ĉe aliĝo. Por aliaj manĝopostuloj (senglutena aŭ aliaj) nenio antaŭvidiĝas, tiakaze vi mem aranĝu la propran manĝon.

Por la "malgranda malsato" ni prezentas niajn hungarajn bulketojn. Kiu povos rezisti tion? Nenio. Do bonan apetiton! Jó étvágyat mindenkínek!
>> reen

Merkato

En HungaroMania ni organizos etosplenan merkaton. Pluraj eksponistoj ĉeestos. Vi tie trovos plurajn aĵojn kiel hungarajn manĝaĵojn, sed ankaŭ librojn kaj revuojn en kaj pri la hungara kaj Hungario, romanojn en la nederlanda, Esperanto kaj aliaj lingvoj kaj aliajn. Certe ĉirkaŭrigardu ĉar, kiu scias, eble vi fine trovos ĉi tie tiun unu varon kiun vi jam delonge serĉadis!

Ĉu vi mem interesiĝas pri propra stando en ĉi merkato? Tiam tuj rigardu la informojn en la ĉi-tiea sponsorfolio.
>> reen

Ekzpozicio

La tutan tagon viziteblas ekspozicio. Per ĝi vi ekscios diversajn interesaĵojn pri Hungario kaj la hungara lingvo.

Se vi ŝatas partopreni en nia kvizo, tiam nepre vizitu nian ekspozicion. Vi tie certe trovos kelkajn sugestojn!
>> reen

Ŝminkado de infanoj (kaj plenkreskuloj?)

Ivanka Koleva (1982), kun rusa patrino kaj bulgara patro, naskiĝis en Rusio sed kreskadis en Bulgario.
La vivo ŝin kondukis al Belgio kie ŝi finstudis en 2013 ĉe la KH Leuven pri Kompaniadministrado kun findirekto Kontoscienco-Fiskado. De novembro 2013 kaj daŭre ŝi laboras ĉe CLT kiel administra kunlaboranto. Ekde septembro 2015 ŝi ankaŭ estas aŭrigita tradukisto-interpretisto bulgara-nederlanda/nederlanda-bulgara.
En majo 2019 ŝi iĝis patrino.

En HungaroMania ŝi volonte ŝminkos la ĉeestantajn infanojn (kaj plenkreskulojn?).
>> reen

Trink- kaj manĝetobudo

En HungaroMania la tutan tagon vi trovos manĝetojn kaj trinkaĵojn je honesta prezo. En nia budo vendiĝas diversajn freŝajn kaj varmaj trinkaĵon, sed ankaŭ bongustaj hungaraj vinoj, tipe hungara biero aŭ hungara fruktsuko. Ankaŭ la stomako plenigeblas en HungaroMania. Ni vendas bongustajn hungare surmetitajn bulkojn kaj hungarajn dolĉaĵojn.

En la budo ne eblas pagi per kontanta mono. Trink- kaj manĝkuponoj haveblas en la akceptejo. Eblas tie pagi per kontanta mono aŭ (prefere) maestro-karto.
>> reen