Grava informo

La organizantoj de HungaroMania akceptas sian respondecon: HungaroMania 2020 ne okazos.
Bedaŭrinde.

Ni neniel volas transdoni la sars-CoV-2-viruson al partoprenantoj, bazaristoj, prelegantoj, artistoj, volontuloj, aŭ iu ajn kiu rekte rilatas al la evento. Ni ankaŭ pensas pri la loko de la evento: ni volas protekti la gelernantojn ankaŭ kontraŭ eventuale postlasita viruso.
La plimulto de la hungaraj prelegantoj nuligis sian ĉeeston pro deviga karanteno de interalie ĉiuj hungaraj universitatoj, pluraj partoprenantj dubas aĉ definitive ne aliĝas.
Kvankam la infektada risko malgrandas, la eblaj konsekvencoj efektive povas grandi. Certe en internacia evento kiel HungaroMania.

La decido datas de lundo la 9-a de marto ĉirkaŭ la 16-a horo (Belgio 3,5 tagojn poste decidis la samon). La ceteran tagon ni analizis la sekvojn. Ĉiu la 9-an aŭ 10-an estis persone informita.
Ni pardonpetas pro eventuala portempa ies forgeso.

Sed... Prokrasto ne perdigas...
Post kelkaj monatoj la viruso estos pli bone konata kaj kontrolita. Vakcino tiam ĝenerale haveblos, same kiel jam de jaroj por la gripa viruso.
Kaj do...

HungaroMania 2021 jam staras ĉe startlinio! Ĝia organizado nun ekas!
Notu jam la daton kaj lokon: dimanĉon la 28-an de februaro 2021 (rezerve de konfirmado post kelkaj tagoj), sama loko kiel antaŭvidita por 2020.

La organizantoj de HungaroMania pro tio ĉi ne nur havas multan aldonan laboron, sed ankaŭ financan deficiton.
Tamen ni decidis pri la jeno:

  • 1. Ĉiu partoprenanto povas peti la plenan repagon de la aliĝkotizo.
  • 2. Tio eblas tuj, sed eblas ankaŭ pli malfrue: ĝis la 31-a de decembro 2020.
  • 3. Kiu ne repetis la pagon antaŭ la 1-a de januaro 2021, aŭtomate aliĝis al HungaroMania 2021. Dankon pro via fido je nia evento!
  • 4. La sama principo validas por nia bazaristoj.
  • 5. Kaj kompreneble: eventualaj donacoj estos danke akceptitaj 🙂

Sekvu HungaroMania'n ankaŭ en Fejsbuko.

Kiuj

HungaroMania estas organizata de kerngrupo konsistanta el Csonta István, Hedwig Gerits kaj Siegfried Mertens. Ili reprezentas respektive la Collegium Hungaricum, la instruistojn kaj la studentojn de la hungara lingvo. Marc Vanden Bempt reprezentas Esperanto 3000 vzw Leuven.

Tiun ĉi kerngrupon asistas aro da respondeculoj, en februaro helpataj de tre multaj lokaj kunlaborantoj.

Kune ili formas la laborgrupon "HungaroMania", ene de la aspc-kupolo de Esperanto 3000 vzw Leuven. Kun la kunlaboro de la urbo Loveno.